更多
2020-04-15
109 瀏覽
疫情咁耐小朋友日日都吽係屋企，就嚟悶到生菇。終於今日帶咗女女去親子餐廳放吓電，餐廳乾淨企理，所以都好放心帶阿女去玩！.一入門口就要除鞋探熱消毒手，然後阿女就衝咗去play area頭也不回了。餐廳嘅play area都算大，分咗幾個區，有俾嬰幼兒玩嘅地墊區、有男孩子嘅工具區、亦有女仔最愛嘅煮飯仔區，仲有一堆裝扮服飾去扮鬼扮馬；木粒製成的沙池好適合我個潔癖女女玩。玩具設施種類都算好多。當晚我哋人唔多，有好充足空間去玩。.餐廳特色係食中式私房菜，食品水平都幾高，推介陳皮紅燒獅子頭($138)，外表平平無奇一粒肉丸咁，但一咬開內裡係好香嘅豬肥膏香氣，脂肪同肉的比例調較得剛好。前菜拼盤A($88)每樣細細碟，但都幾開胃，推介個香辣口水雞，調味用料好足，麻辣香味好濃，不過份量只有4小嚿。仲有個靈感尋味素鵝都好味，甜甜地又有少少滷水味，小朋友好鍾意食。上湯鮮茄有機豆苗($88)豆苗煮得剛好唔會太淋，又唔會有草青味，配合埋女女最鍾意嘅香菇，原隻蕃茄加埋上湯好適合小朋友食，味道清清哋無味精，好食！.值得一讚係啲餐廳細微做得好好，鮮茄豆苗上檯後侍應會遞上剪刀俾你剪開原個蕃茄；小朋友餐具及high cha
疫情咁耐小朋友日日都吽係屋企，就嚟悶到生菇。終於今日帶咗女女去親子餐廳放吓電，餐廳乾淨企理，所以都好放心帶阿女去玩！
.
一入門口就要除鞋探熱消毒手，然後阿女就衝咗去play area頭也不回了。餐廳嘅play area都算大，分咗幾個區，有俾嬰幼兒玩嘅地墊區、有男孩子嘅工具區、亦有女仔最愛嘅煮飯仔區，仲有一堆裝扮服飾去扮鬼扮馬；木粒製成的沙池好適合我個潔癖女女玩。玩具設施種類都算好多。當晚我哋人唔多，有好充足空間去玩。
.
餐廳特色係食中式私房菜，食品水平都幾高，推介陳皮紅燒獅子頭($138)，外表平平無奇一粒肉丸咁，但一咬開內裡係好香嘅豬肥膏香氣，脂肪同肉的比例調較得剛好。
陳皮紅燒獅子頭
$138
6 瀏覽
0 讚好
0 留言
前菜拼盤
$88
7 瀏覽
0 讚好
0 留言
拼盤—香辣口水雞
5 瀏覽
0 讚好
0 留言
上湯鮮茄有機豆苗
$88
9 瀏覽
0 讚好
0 留言
.
值得一讚係啲餐廳細微做得好好，鮮茄豆苗上檯後侍應會遞上剪刀俾你剪開原個蕃茄；小朋友餐具及high chair一早已準備好；餐廳廁所備有小朋友坐廁，而且好乾淨地下完全無濕；仲有家庭廁所方便爸爸媽媽一齊換片；有哺乳室所以帶比較年幼嘅BB都無問題。
.
總括嚟講係一間幾有心機的親子餐廳，雖然價錢唔算平，但嘢食好食又可以俾小朋友放電，值得再嚟。
張貼
