連續兩年獲得日本東京米芝蓮必比登推薦的人氣拉麵店「銀座 篝」😍 主打雞白湯，慚愧地我係冇喺東京食過，將第一次就獻比香港分店🙈
環境 
餐牌 
6
特製拌麵 $118
第一次食又想試雞白湯又想食Q彈啲麵，所以揀咗連湯嘅拌麵！
Special就多一份肉同味玉，配料有低溫調理舒肥雞肉叉燒、低溫調理豬肉叉燒、南瓜片、筍，附以生蛋黃、拌麵汁比你撈，佢又唔係沾麵咁比好大碗湯，而喺麵豉湯嘅size。
無論喺雞肉叉燒定豬肉叉燒，因為低溫調理，亦無調味，風味淡雅，一啲都唔嚡，鍾意濃味可以沾湯食。好鍾意佢沾麵喺用粗麵，煙韌又掛汁，本身撈麵汁及生蛋已經夠味，但佢嘅雞白湯真係無敵😭湯頭濃香醇但唔油膩，亦無死鹹情況！鍾意再多層次啲仲有松露、醬油、抹茶雞白湯拉麵～
煎餃子 $38
另外煎餃子🥟皮薄餡靚，值得一試～
