串燒王 (祥興樓)

營業中

休息中

行到砵蘭街附近，聞到好香嘅串燒味，就決定試吓呢間「串燒王」我地兩個人起初覺得，串燒份量應該同平時居酒屋食開嘅差唔多啩？ 加上又口痕咩都想試啲，就嗌左6樣。最先上嘅係錫紙花甲粉（小辣）碗粉嘅份量比想像被多，滿滿一碗，就算我同朋友分成兩碗，都仲係好大碗。而且啲花甲好新鮮，香料同辣味配搭得啱啱好，啲粉索埋湯汁，我同朋友都覺得好好味好驚喜！跟住上嘅火箭魷魚筒、五花腩肉串同埋燒茄子又係好正。大大隻嘅燒魷魚夠新鮮同彈牙，食得出茄子好新鮮好甜，而且燒得剛剛好，灑係面嘅辣粉又香又惹味，如果唔係驚之後上嘅嘢食唔晒，我同朋友想再叫多次魷魚同茄子。另外我地又嗌左拍青瓜，酸辣爽脆，佢個醬汁真係好好味，食到停唔到口。青瓜份量又多，就算3個人食都夠食。最後雖然已經飽飽地，但都係忍唔住追加左份虎皮尖椒同廚師推介嘅燒鮑魚先肯去埋單（笑）。