💀 地獄級餐飲體驗！
一入門口已經知中伏，冇乜人食 全場得幾臺客，自助區細得可憐，連杯基本飲品都冇，Menu睇落好似好有料，實情係「睇得就唔食得」，湯底係味精水扮高級，龍蝦湯根本係蝦殼煲出嚟嘅，完全係欺騙味蕾。最令人無奈嘅係落單系統每幾分鐘先可以落一次單，仲要每次只可以落6-7碟。
🐷 肉類腥臭，海鮮似污水浸過！
牛肉、豬肉食落有腥臭味，蚵仔浸起灰灰地既濁水入面，食完唔止反胃，朋友第二日仲肚痾
👎🏻 甜品則係甜到漏嘅果醬加椰果，賣相同味道都一樣差。
🧠 職員態度惡劣，監視食客似犯人！
食唔晒啲肉要罰錢，反映食物有問題竟然被無視，仲要限時15分鐘清晒啲「臭肉」，期間有職員輪流監視，埋單時仲用對講機報告我哋食成點，慘過食監獄飯，比錢買難受。
🤬 俾錢買侮辱
香港美食之都俾呢啲餐廳拖低晒，唔止冇質素，仲態度極差。奉勸大家遠離此地，保住你嘅胃同尊嚴！
3
1
