滙江南/聚匯小廚茶餐廳 (已結業)

上星期五和同事們一齊去食lunch, 行經聚匯小廚茶餐廳, 大家都未食過, 所以就入去試下啦~~ 點知.... 就係咁食到一肚氣!!!入到去見到張menu, 以茶餐廳黎講都幾貴, 而且仲要收加一!!!!! 點菜又要自己寫紙點!!!! 成班同事都話有冇攪錯!!! 如果佢D野食ok既話都可以免強接受既..... 好可惜佢D野食真係唔係幾掂!!! 我叫左個吉列豬扒飯, 問過waiter 話係配咖哩汁, 點知黎到得少少汁, 而且賣相亦唔討好.... 不過好彩個味就未至於太難食.... 如果唔係真係想反枱!!! 有同事叫左滷水四寶飯, 諗住幾穩陣…. 點知D滷味係凍既… 仲要似係喺雪櫃啱啱攞出黎… 個柱侯牛腩飯個色水都幾好, 但係其實偏淡, 要落D豉油去調下味.... 成餐飯個個都食到 "媽媽" 聲…. 最後埋單又要我地自己出去埋… 佢都好意思收我地加一!!!! 我地個個都話以後唔會再幫襯, 如果唔係真係老襯喇!!!