手卷野村 (已結業)

難得平日放假，去開尖東果邊買野，見到平時食開果間既手卷未開門，行過少少見到有呢間壽司店，所以就諗住試下。咁岩撞正食飯時間，所以都幾多人排隊買野食!不過師傅都整得好快，叫完食物之後大概幾分鐘就有了!因為跟朋友只是口痕食下，所以沒有入店內立食，只在門口吃完便走了!海膽手卷($50)，海膽大舊而且肥美鮮甜，唔會食落已經一pat咁，啖啖肉，再落少少芥辣豉油一齊食，鮮甜味更出。紫菜脆的，唔會好似仿間果D咁變淋!不錯!芥辣八爪魚手卷($28)，芥辣八爪魚一直都係我的最愛。這裡的芥辣八爪魚爽甜新鮮，芥辣供鼻，如果手卷D飯可以多返少少壽司醋的味道會更佳!總括黎講，尖東科學館道美食林立，而呢間壽司店方便了在附近返工的打工仔，不論立食定外賣自取都好多人，價錢又唔算太貴，都可以再試的!