大家樂

營業中

休息中

唔係第一次去大家樂，不過今次實在非常失望! 其實前線員工係好重要，如果佢哋嘅認知不足，對顧客同公司都會造成好大影響!好似今次我去食下午茶餐，叫咗一個豬扒包同魯肉飯 ，我萬萬估唔到發生咁嘅情況:首先講個滷肉飯，一嚟到我已經嘩咗幾聲，白飯係夠嘅，但滷肉大概只有兩湯匙~係兩湯匙呀～我撈埋白飯之後嘅情況如圖示，無花無假，咁同食個白飯嘅分別係，你會偶然咬到粒餸，前線員工們其實將心比己，你會點睇呢碗飯?人生最啜核之頹飯莫過於此!再嚟就係豬扒包，打開如圖無照騙，有嘅都係大家樂登出嚟張相，但相對滷肉飯嚟講已經好好多。