影片
更多
2016-04-06
453 瀏覽
其實呢一晚我作病，有少少唔想出街，不過一早約好左朋友而唔想放飛機，所以都係死左出去，搵間坐得舒服少少唔好太嘈嘅餐廳，見時間仲早，達人包車又講左一千年想食，眼見冇人排隊，機會黎啦…就去食啦。入到餐廳坐位都幾舒服，又唔覺好嘈，燒下肉、傾下計飲杯野都幾適合，而且服務員都招呼得好好，有禮貌。睇下餐牌有咩食，雖然喉嚨有點唔爭氣，但都好想試下佢地巨型串燒，係啊…一大串掛喺頭頂果塊板到，真係幾搞野，眼見成88cm咁長有點淆底，心諗…係咪食得哂啊…2條女食咋喎 （爆）88cm串燒 （$328）每串都有豬扒、牛扒、大蝦、腸仔、菠蘿、青椒黃椒、洋蔥等等，真係要企喺到先睇得哂有啲乜，而且睇到佢都幾多肉汁喺串燒滴落個燒烤板到。店員會喺你面前，親自幫你拆啲肉肉出黎燒，剪到細細件岩哂我咀型，味道方面啲肉係比較淡口，應該冇用好多醬料醃過，可以食原汁原味咁，燒好之後可以夾落生菜，加啲麵豉醬一齊食就冇咁膩啦！每次燒菠蘿我都爭住食，真係燒完特別juicy，仲有就係我愛嘅青黃椒，視覺味覺都一齊享受吖。另外我地叫左芝士排骨6件，冇記錯的話佢應該有5件、6件 ＆ 8件俾你揀，上檯見到啲芝士我真係忍唔住，好想食好想食啊！（爆）排
入到餐廳坐位都幾舒服，又唔覺好嘈，燒下肉、傾下計飲杯野都幾適合，而且服務員都招呼得好好，有禮貌。
睇下餐牌有咩食，雖然喉嚨有點唔爭氣，但都好想試下佢地巨型串燒，係啊…一大串掛喺頭頂果塊板到，真係幾搞野，眼見成88cm咁長有點淆底，心諗…係咪食得哂啊…2條女食咋喎 （爆）
88cm串燒 （$328）每串都有豬扒、牛扒、大蝦、腸仔、菠蘿、青椒黃椒、洋蔥等等，真係要企喺到先睇得哂有啲乜，而且睇到佢都幾多肉汁喺串燒滴落個燒烤板到。
店員會喺你面前，親自幫你拆啲肉肉出黎燒，剪到細細件岩哂我咀型，味道方面啲肉係比較淡口，應該冇用好多醬料醃過，可以食原汁原味咁，燒好之後可以夾落生菜，加啲麵豉醬一齊食就冇咁膩啦！每次燒菠蘿我都爭住食，真係燒完特別juicy，仲有就係我愛嘅青黃椒，視覺味覺都一齊享受吖。
另外我地叫左芝士排骨6件，冇記錯的話佢應該有5件、6件 ＆ 8件俾你揀，上檯見到啲芝士我真係忍唔住，好想食好想食啊！（爆）排骨旁邊仲有我至愛嘅年糕同紫菜飯波波，開心死我。
排骨偏甜帶辣，食幾啖之後覺得越食越辣，對於食到少辣嘅我黎講可以接受，排骨肉都好稔，仍有少少嚼勁，唔係入口”妹”下就爛果隻，甜甜辣辣嘅味道令我胃口暫時返左嚟。
睇下…一整件排骨包滿左芝士，對於芝士控嘅我黎講真係滿足到不行了，好感動，藥到病除一樣 （笑）
飲品方面我地叫左西柚 ＆ 柚子特飲，但我唔記得叫少甜，所以覺得甜左d，飲到咁上下都係覺得甜，所以自己加左d水中和下比較好 （爆），下次一定要記得叫少甜吖唔該。
張貼
