更多
2020-05-20
266 瀏覽
「熟鮓」係壽司嘅雛形屬於平安時代嘅貴族料理.由於當時缺乏保存技術為左可以食到新鮮嘅魚肉廚師就將酸左嘅米飯同魚肉壓埋一齊米飯發酵之後會釋出乳酸菌對魚肉起保鮮嘅作用.而哩個食法之所以咁矜貴係因為貴族只會食用魚肉發酸嘅米飯會被直接棄掉為左得到一時口舌之快粒粒皆辛苦嘅理念被拋到九霄雲外係浪漫定係浪費冇體會過平安時期貴族生活嘅我真係好難定奪.直到江戶時代 民眾終於可以一嚐哩種貴族料理嘅翻版——壽司由於當時好多武士不務正業江戶對工人嘅需求上升好多人離鄉去當地工作.導致路邊攤——「屋台」相繼出現成為工人當時嘅飯堂為佢地提供平靚正快嘅膳食.因為江戶非常近海所以有豐富嘅新鮮魚獲屋台嘅老闆經常用平到近乎唔洗錢嘅吞拿魚（係當時）為辛勞嘅工人泡製料理.隨手拎起一堆白飯 捏一捏再放上一塊魚肉平民嘅美味就咁形成.由此可見 今日我地食嘅壽司其實係源自平民嘅智慧係物資貧乏嘅時代將平價魚肉同埋米飯整到望落豐盛啲為工人勞累嘅一日帶黎少少安慰算唔算係屋台老闆嘅小小頑固呢？就係哩份頑固 令我地後世嘅平民隨時都可以食到哩種平安時期嘅貴族料理.不過面對住香港嘅租金就連頑固壽司都好難頑固得起.特上壽司拼盤12貫 $320哩個價錢可
屬於平安時代嘅貴族料理
.
由於當時缺乏保存技術
為左可以食到新鮮嘅魚肉
廚師就將酸左嘅米飯同魚肉壓埋一齊
米飯發酵之後會釋出乳酸菌
對魚肉起保鮮嘅作用
.
而哩個食法之所以咁矜貴
係因為貴族只會食用魚肉
發酸嘅米飯會被直接棄掉
為左得到一時口舌之快
粒粒皆辛苦嘅理念被拋到九霄雲外
係浪漫定係浪費
冇體會過平安時期貴族生活嘅我
真係好難定奪
.
直到江戶時代
民眾終於可以一嚐哩種貴族料理嘅翻版——壽司
由於當時好多武士不務正業
江戶對工人嘅需求上升
好多人離鄉去當地工作
.
導致路邊攤——「屋台」
相繼出現
成為工人當時嘅飯堂
為佢地提供平靚正快嘅膳食
.
因為江戶非常近海
所以有豐富嘅新鮮魚獲
屋台嘅老闆經常用平到近乎唔洗錢嘅吞拿魚（係當時）
為辛勞嘅工人泡製料理
.
隨手拎起一堆白飯 捏一捏
再放上一塊魚肉
平民嘅美味就咁形成
.
由此可見 今日我地食嘅壽司
其實係源自平民嘅智慧
係物資貧乏嘅時代
將平價魚肉同埋米飯整到望落豐盛啲
為工人勞累嘅一日帶黎少少安慰
算唔算係屋台老闆嘅小小頑固呢？
就係哩份頑固 令我地後世嘅平民
隨時都可以食到哩種平安時期嘅貴族料理
.
不過面對住香港嘅租金
就連頑固壽司都好難頑固得起
.
特上壽司拼盤12貫 $320
哩個價錢可以食到大中拖羅 海膽
同埋魚中之王金目鯛
都算係抵食㗎啦
用日本嘅價格當然冇得比
但唔好忘記 我地係身處香港
身處K11嘅環境
以$320可以食到哩啲食材
其實都冇咩可以挑剔嘅地方
要怪嘅 可能真係怪香港租金太貴
不過要讚一讚 食材係真係新鮮嘅
張貼
