影片
更多
2021-06-20
87 瀏覽
平時韓燒同日本燒肉就食得多，石板燒肉好似係近年先開始興起。呢間堅石燒位置喺旺角市中心，雖然平時都見佢有唔少人排隊等位，但其實可以預先用the GULU提早攞位，非常方便！今次嚟就試咗一份二人份量嘅日本A4和牛肉眼蓋、韓式厚切鰻魚石鍋飯、芝士韓式年糕同牛油焗野菌，加多$18仲有自助美食吧，有嘢飲任飲、雪糕任食同幾款前菜揀，兩個女仔食份量啱啱好，唔會做大晒鬼。前菜有牛骨湯同杯裝嘅沙律菜選擇，牛骨湯味道濃郁，非常適合配上白飯嚟一碗韓式湯飯。本身仲有炒意粉呢個選擇，但係因為我哋已經揀咗牛骨湯，所以想留定個肚俾主角。飲品方面都幾特別，竟然有梳打水同美祿等出面比較少見嘅選擇，我就當然唔會錯過喇。日本A4和牛肉眼蓋我哋嗌左200g，和牛同配料一齊擺上石板上面即刻滋滋聲，香氣四溢，燒一陣已經變成入口即溶嘅高級享受🤤隔離仲有玫瑰岩鹽同黑胡椒俾你自己調配返啱自己嘅口味鰻魚石鍋飯條鰻魚雖然唔算好大條，不過我哋兩個女仔一人一半用嚟送飯就啱啱好。鰻魚下面就係韓式拌飯，配料都幾多，擺多一陣先撈勻仲會有飯焦係底，正！芝士韓式年糕個醬汁味道同韓國街邊食到嘅唔係爭太遠，趁熱食仲可以玩到拉芝，暫時冇得去韓國，食呢個絕對可
今次嚟就試咗一份二人份量嘅日本A4和牛肉眼蓋、韓式厚切鰻魚石鍋飯、芝士韓式年糕同牛油焗野菌，加多$18仲有自助美食吧，有嘢飲任飲、雪糕任食同幾款前菜揀，兩個女仔食份量啱啱好，唔會做大晒鬼。
前菜有牛骨湯同杯裝嘅沙律菜選擇，牛骨湯味道濃郁，非常適合配上白飯嚟一碗韓式湯飯。本身仲有炒意粉呢個選擇，但係因為我哋已經揀咗牛骨湯，所以想留定個肚俾主角。飲品方面都幾特別，竟然有梳打水同美祿等出面比較少見嘅選擇，我就當然唔會錯過喇。
日本A4和牛肉眼蓋我哋嗌左200g，和牛同配料一齊擺上石板上面即刻滋滋聲，香氣四溢，燒一陣已經變成入口即溶嘅高級享受🤤隔離仲有玫瑰岩鹽同黑胡椒俾你自己調配返啱自己嘅口味
鰻魚石鍋飯條鰻魚雖然唔算好大條，不過我哋兩個女仔一人一半用嚟送飯就啱啱好。鰻魚下面就係韓式拌飯，配料都幾多，擺多一陣先撈勻仲會有飯焦係底，正！
芝士韓式年糕個醬汁味道同韓國街邊食到嘅唔係爭太遠，趁熱食仲可以玩到拉芝，暫時冇得去韓國，食呢個絕對可以頂到條癮。
最後一道菜牛油焗野菌，真係令人喜出望外，醬汁同野菌既味道超夾，趁熱食仲食到陣陣牛油香氣，真心推介！
張貼
