韓牛韓式燒烤 (已結業)

平時最鍾意搵D任食任飲既食肆, 一個價錢可以鍾意食幾多都得.黎開旺角買野, 醒起呢度有任食韓燒, 價錢唔貴, 坐得又舒服.生熟食物自助任拎, 餓得濟先拎左熟食, 除左壽司, 魚生, 前菜果D, 仲有炒蜆, 煎餅, 炸雞翼果D.諗住熟食無咩期望, 出奇地唔錯, 炒蜆果D夠晒味, 又夠熱.至於生肉種類都好多, 牛肉, 豬肉, 雞肉都有.肥牛片脂肪比較多, 但入口唔算太油, 仲好軟嫩. 牛仔骨燒左一輪都唔會韌, 燒到離晒骨, 好易食.五花腩片燒到金黃, 脆卜卜, 都唔錯, 唔會太乾.仲有雞腎唔會太厚, 燒完好爽口易食.食食下先知原來無時限, 不過實在太飽, 下次會再黎.