韓日燒 (已結業)

今晚有朋友請食壽司烤肉，SO HAPPY~一早嚟到韓日燒羅位，好在呢個時間人唔算好多，好快可以埋位，自助晚餐真係好豐盛吖，有新鮮嘅迴轉壽司，我最鐘意嘅就係佢哋嘅三文魚壽司，魚肉生鮮爽嫩，蘸小小芥末之後味道更加正，差D食到停唔到口。壽司之後仲有一底火鍋及涼伴小菜，火鍋嘅配料種類繁多，有燒肉、熱狗、香腸、茄子、青瓜、金針菇之類嘅，完全可以滿足不同口味嘅人群。蔬菜同肉食都好新鮮，滾兩滾就可以食入口了，很爽脆。其中最吸引我哋嘅當然係佢哋精緻鮮美嘅牛扒喇，用一個長碟裝住血紅嘅牛扒，每一塊厚薄均勻，排列整齊。隨便羅上一碟都滿意，唔使左揀右揀咁麻煩。除咗壽司同火鍋，佢哋仲有鐵板烤，可以放上自己鐘意食嘅材料入去烤，我試咗一下烤牛扒同海鮮，可能係自己動手喇，覺得味道真係可以比得上大廚嘅手勢喇，哈哈。今晚一次過試咗三種唔同嘅食法，真係好過癮，價錢又實惠，以後要多D嚟幫襯先得。