btw (已結業)

今晚同朋友行完街見到這間餐廳，大大間之餘，還有特別嘅送餐服務，就係咁入去了，地方闊落座位舒適，落單就係用qr code 處理，快手清楚！食物選擇多有不同類型，今次就點了溫泉蛋牛肉石鍋飯，同埋最愛吃嘅柚子雞翼，同埋推介嘅人蔘雞湯浸娃娃菜，等了一陣美食就由傳菜機械人運送到枱前，再由店員上枱，傳菜機不停穿梭於餐廳內為食客送上美食，正！溫泉蛋牛肉石鍋飯，按指示等待一會，讓石鍋嘅熱力令個飯身變得焦脆，再加入少量嘅醬汁一齊入口，飯身焦脆香口好有口感，加埋香軟肥美嘅牛肉入口，真係這裡必吃之選！柚子雞翼就係外面炸得十分香脆外，在雞翼上淋滿了柚子醬，入口陣陣香濃嘅柚子味道同外脆內軟嘅雞肉，味道十分配合！人蔘雞湯浸娃娃菜亦十分之足料，一個鍋內放滿了浸得軟淋嘅娃娃菜，吸收了個湯底味道之餘，還有細細件嘅人參，呢個價錢都真係十分超值，加埋個湯十分鮮味，絕對係小湯水朋友進補之選！