更多
2017-06-08
192 瀏覽
好耐之前已經幫襯過Seoulmate Cafe西營盤舊鋪，知道左佢搬左去銅鑼灣同埋多左新菜式，作為韓國菜fans梗係要黎試下！一走入店舖已經可以睇得出新裝修花左唔少心思。門口擺設左娃娃鏡俾客人等候嗰陣可以影下相，而舖內環境充滿韓式家居風格，連燈罩都用上好可愛既"一舊雲"形狀。特別既係店舖設有戶外區域，除左木枱木椅同綠油油既植物，更有木鞦韆玩！另外入座時候，八掛望到原來有間10人VIP大房，好似韓劇既佈景。炸釀雞扒配秘製韓式醬汁 ($168)望落似一般日式炸雞，但係配上韓式醬汁十分惹味！餡料亦充滿韓風，加入芝士醬之餘，亦有玉桂蘋果粒，中和到雞扒既飽滯感。伴碟係蒜蓉薯蓉，非常濃味，令到菜式好有西日韓既fusion風味。一舊seoulmate雲下的泡菜炒飯 ($128)表層係由蛋白整成既一舊雲，眼碌碌可愛到令人唔捨得切開黎食入面係泡菜炒飯配上五花腩肉，辣辣地夠香口！不過如果多啲配料會更有層次喇。海鮮魚子忌廉意粉 ($188)個忌廉汁做得夠滑，唔會太"杰"食起上黎都唔會覺得膩，配埋蛋黃、大量蝦仁、帶子、蟹子同洋蔥，淡淡地啱哂唔食得泡菜辣既人！砵仔拌綠茶芝士慕絲蛋糕 ($78)賣相模仿韓國石頭飯
特別既係店舖設有戶外區域，除左木枱木椅同綠油油既植物，更有木鞦韆玩！另外入座時候，八掛望到原來有間10人VIP大房，好似韓劇既佈景。
炸釀雞扒配秘製韓式醬汁 ($168)
望落似一般日式炸雞，但係配上韓式醬汁十分惹味！餡料亦充滿韓風，加入芝士醬之餘，亦有玉桂蘋果粒，中和到雞扒既飽滯感。伴碟係蒜蓉薯蓉，非常濃味，令到菜式好有西日韓既fusion風味。
一舊seoulmate雲下的泡菜炒飯 ($128)
表層係由蛋白整成既一舊雲，眼碌碌可愛到令人唔捨得切開黎食入面係泡菜炒飯配上五花腩肉，辣辣地夠香口！不過如果多啲配料會更有層次喇。
海鮮魚子忌廉意粉 ($188)
個忌廉汁做得夠滑，唔會太"杰"食起上黎都唔會覺得膩，配埋蛋黃、大量蝦仁、帶子、蟹子同洋蔥，淡淡地啱哂唔食得泡菜辣既人！
砵仔拌綠茶芝士慕絲蛋糕 ($78)
賣相模仿韓國石頭飯，中間既蛋用左忌廉同桃黎代替，而其他配料就變成一個色彩繽紛既生果拼盤，有芒果、車厘子肉、藍苺、士多啤梨。下面嗰層就由飯變成綠茶芝士慕絲，綠茶同芝士味平衡適中，質感做得算軟滑，但最好多啲人share食。
熱綠茶拿鐵 ($42)
拉花可愛的latte，味道十分濃厚香滑，綠茶粉無澀味，非常好飲！
柚子椰沫飄雪 ($46)
又一fusion的飲品，上層既椰沫似台式飲品既奶蓋一樣，而下層就係韓國柚子蜜，兩者撈埋一齊都幾夾！
總結黎講，呢度既菜式好有fusion風味，非常新潮。而且裝修特別，多影相位又有得玩，係個可以幫自己叉叉電既好地方！
張貼
