海岸扒房

Gold Coast Prime Rib
37
6
5
餐廳: 海岸扒房
優惠: 食飯都有得賺里數? 仲唔即刻訂枱?
星期一: HKD1 = 1里數,星期二至日: HKD2 = 1里數 (埋單前記住講聲「我要賺里數」!) 優惠受有關條款約束。
條款及細則:
  • 會員惠顧滿認可消費額(最低300港元,最高10,000港元)可賺取「亞洲萬里通」里數。
  • 會員在星期二至日 (星期一除外),每消費HKD2可賺1里數。
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
  • 額外「亞洲萬里通」里數將於餐膳後7個工作天內存入會員賬戶。
須受其他「亞洲萬里通」條款及細則約束
等級8
早前參加咗一個本地團「文化翠野遊」,主要造訪北區一啲名勝,包括錦田壁畫村、水頭村水尾村樹屋、本土出產嘅香印提子園,又真喺無諗過香港都有啲咁嘢,而沿途導遊姐姐亦介紹咗好多香港嘅歷史,以及一啲特別嘅資訊,如香港唔同大橋嘅分別呀、歷史建築嘅獨特點呀,總之對整個行程都有好深嘅體會,感覺相當唔錯。最後一站喺食晏,安排嚟到黃金海岸酒店內嘅「海岸扒房」,享用3道菜嘅午餐。印象中,黃金海岸酒店嚟嘅次數一隻手掌數得晒,因為位置相對我嚟講都喺有隔涉,之前嚟過兩次都喺食自助餐,所以,今次到訪「海岸扒房」實屬第一次。由於餐廳位處大堂後方,所以,依然有高樓底,環境闊落開揚,枱與枱之間嘅空間感極大,又有偌大嘅落地玻璃窗對住出面嘅園林景,景觀相當唔錯。簡單嘅餐桌佈置,而枱上又放置咗鮮花作點綴,感覺立時唔同晒。由於疫情關係,雖然喺跟團,但盡量都安排相熟嘅坐埋一枱,否則,就二人一枱減低交叉感染風險。話就話喺團餐,但一啲都唔失禮,都喺正統嘅三道菜午餐,不過,跟餐廳是日三道菜午市套餐嘅內容唔同,但即管影埋出嚟俾大家參考。而我哋所享用嘅套餐,可以講都喺大同小異,湯品或沙律一樣任擇其一,主菜就四選一,加上甜品,並奉送咖啡或茶。
更多
早前參加咗一個本地團「文化翠野遊」,主要造訪北區一啲名勝,包括錦田壁畫村、水頭村水尾村樹屋、本土出產嘅香印提子園,又真喺無諗過香港都有啲咁嘢,而沿途導遊姐姐亦介紹咗好多香港嘅歷史,以及一啲特別嘅資訊,如香港唔同大橋嘅分別呀、歷史建築嘅獨特點呀,總之對整個行程都有好深嘅體會,感覺相當唔錯
。最後一站喺食晏,安排嚟到黃金海岸酒店內嘅「海岸扒房」,享用3道菜嘅午餐。
44 瀏覽
0 讚好
0 留言
印象中,黃金海岸酒店嚟嘅次數一隻手掌數得晒,因為位置相對我嚟講都喺有隔涉,之前嚟過兩次都喺食自助餐,所以,今次到訪「海岸扒房」實屬第一次。由於餐廳位處大堂後方,所以,依然有高樓底,環境闊落開揚,枱與枱之間嘅空間感極大,又有偌大嘅落地玻璃窗對住出面嘅園林景,景觀相當唔錯
78 瀏覽
0 讚好
0 留言
60 瀏覽
0 讚好
0 留言
簡單嘅餐桌佈置,而枱上又放置咗鮮花作點綴,感覺立時唔同晒。由於疫情關係,雖然喺跟團,但盡量都安排相熟嘅坐埋一枱,否則,就二人一枱減低交叉感染風險。
52 瀏覽
1 讚好
0 留言
話就話喺團餐,但一啲都唔失禮,都喺正統嘅三道菜午餐,不過,跟餐廳是日三道菜午市套餐嘅內容唔同,但即管影埋出嚟俾大家參考
。而我哋所享用嘅套餐,可以講都喺大同小異,湯品或沙律一樣任擇其一,主菜就四選一,加上甜品,並奉送咖啡或茶。
417 瀏覽
1 讚好
0 留言
麵包籃

應該叫麵包盒,以小木盒載住3款麵包,都喺比較硬身嘅歐陸或麵包,雖然,唔喺人人都鍾意呢類包,但就啱晒我,煙韌有麵粉香,搽牛油,或者伴湯都好。
麵包籃
34 瀏覽
0 讚好
0 留言
松露忌廉湯

餐湯、沙律只可以二揀一,不過,我哋兩個人就可以一人嗌一樣,試晒兩款。酒店級即喺酒店級,個忌廉湯打得細緻綿滑,菌香極之突出,而且,夠熱辣,老婆勁欣賞。
松露忌廉湯
35 瀏覽
0 讚好
0 留言
海鮮芒果沙律

好意外喺個份量,道沙律大大碟又有不少海鮮食材,甚有睇頭。啲芒果切成薄片墊底,十分香甜,而海鮮有大蝦、三文魚、魷魚、青口配上火箭菜及櫻桃蘿蔔,又豐富,又好食。
海鮮芒果沙律
23 瀏覽
0 讚好
0 留言
煎挪威三文魚配配莧菜、甘筍茸、烚薯及香草忌廉汁

主菜方面,老婆揀咗挪威三文魚,賣相好精緻,甘筍茸做成好似個汁底咁,啲三文魚沾上甘筍茸或香草忌廉汁都得,同樣好夾,就算喺啲烚薯,唔止裁過嚟,更調咗味,唔會「淡茂茂」;而件三文煎得一流,外脆內嫩,魚肉柔滑得很,仲充滿油香,卻不覺得好膩。
煎挪威三文魚配配莧菜、甘筍茸、烚薯及香草忌廉汁
21 瀏覽
0 讚好
0 留言
煎挪威三文魚配配莧菜、甘筍茸、烚薯及香草忌廉汁
21 瀏覽
0 讚好
0 留言
焗菠菜磨菇意式粉卷配芝士忌廉汁

小弟就揀咗款少食到嘅意式粉卷,一上枱,已感受到嗰份滾燙,熱力逼人,芝士嘅香味四溢。意式粉卷有啲似千層麵,不過,喺捲起咗、薄身咗嘅千層麵,口感有咬口,裡面填滿菠菜及蘑菇,加上掛滿溶透嘅芝士,食味一流。
焗菠菜磨菇意式粉卷配芝士忌廉汁
21 瀏覽
0 讚好
0 留言
焗菠菜磨菇意式粉卷配芝士忌廉汁
23 瀏覽
0 讚好
0 留言
熱咖啡、熱檸茶

主菜過後,就送上餐飲,不外乎一般嘅茶啡。可能由於團餐關係,加快個服務流程,所以,喺唔喺都擺碟檸檬片,之後先問你飲啲咩。由於仲有甜品,所以,一於襯番杯咖啡,而咖啡感覺就普通啲,好似平常食自助餐時嗰啲質素。
熱咖啡、熱檸茶
11 瀏覽
0 讚好
0 留言
藍莓芝士餅配士多啤梨雪糕

最後上枱嘅甜品一啲都無「求其」,賣相都無「馬虎」。芝士餅嘅質感好夠挺,但不失軟滑,面頭嘅鮮藍莓醬做得酸甜細緻,士多啤梨雪糕亦唔哋普通貨,入口有奶香,仲有微微果肉。唯挑剔餅喺消化餅底略嫌厚咗少少。
藍莓芝士餅配士多啤梨雪糕
14 瀏覽
0 讚好
0 留言
藍莓芝士餅配士多啤梨雪糕
14 瀏覽
0 讚好
0 留言
一頓既豐富,又美味嘅午餐,為是次嘅本地小旅遊劃上完美句號。若非老婆稍後仲有行程,可以選擇晌度離隊,再晌黃金海岸周邊行吓,話晒平常真喺好少會入嚟。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$262 (午餐)
推介美食
松露忌廉湯
海鮮芒果沙律
煎挪威三文魚配配莧菜、甘筍茸、烚薯及香草忌廉汁
焗菠菜磨菇意式粉卷配芝士忌廉汁
藍莓芝士餅配士多啤梨雪糕