更多
2019-08-15
1762 瀏覽
有人好早就訂咗呢間餐廳為我慶祝生日，非常有驚喜環境方面，超級寬敞舒適，地方頗大，好有空間感。燈光微暗，令人覺得好relax，又帶點浪漫氣氛。介紹下食物先！餐湯係黑松露蘑菇忌廉湯，黑松露味道非常香濃，口感creamy，個人非常喜歡！沙律亦非常有特色，喺沙律菜上面加上咖哩薯仔，帶點中東風味。炭燒美國頂級1855西冷牛扒牛扒生熟度剛好，賣相好靚，切開𥚃面係粉嫩嘅肉，食落好juicy 又唔會軔，肉味香濃配菜南瓜蓉都好好食，香甜軟滑！鮮藍蟹蟹肉及露筍燴意大利飯配鮮蝦頭膏好足料嘅意大利飯，蟹肉份量不少，蝦膏好香，飯嘅味道同口感都好豐富。甜品係Tiramisu，份量足夠二人分享，濃濃嘅咖啡味，可可味，酒味，軟棉棉嘅口感，又唔會太甜，非常岀色！飲品我地點咗Cocktail - Red Sangria 同 Brown Sugar Macchiato。個人比較喜歡Cocktail，顏色好靚，飲前要將酒同果汁拌勻，味道好fresh，酒味唔會太重，好適合夏日飲。另外值得一讚嘅係服務，店員態度親切，會主動介紹菜式，而且細心留意客人需要
環境方面，超級寬敞舒適，地方頗大，好有空間感。燈光微暗，令人覺得好relax，又帶點浪漫氣氛。
介紹下食物先！
餐湯係黑松露蘑菇忌廉湯，黑松露味道非常香濃，口感creamy，個人非常喜歡！
沙律亦非常有特色，喺沙律菜上面加上咖哩薯仔，帶點中東風味。
炭燒美國頂級1855西冷牛扒
牛扒生熟度剛好，賣相好靚，切開𥚃面係粉嫩嘅肉，食落好juicy 又唔會軔，肉味香濃
配菜南瓜蓉都好好食，香甜軟滑！
鮮藍蟹蟹肉及露筍燴意大利飯配鮮蝦頭膏
好足料嘅意大利飯，蟹肉份量不少，蝦膏好香，飯嘅味道同口感都好豐富。
甜品係Tiramisu，份量足夠二人分享，濃濃嘅咖啡味，可可味，酒味，軟棉棉嘅口感，又唔會太甜，非常岀色！
飲品我地點咗Cocktail - Red Sangria 同 Brown Sugar Macchiato。個人比較喜歡Cocktail，顏色好靚，飲前要將酒同果汁拌勻，味道好fresh，酒味唔會太重，好適合夏日飲。
另外值得一讚嘅係服務，店員態度親切，會主動介紹菜式，而且細心留意客人需要
張貼
