辣蟹舫 (已結業)

食物差，環境差，地點差，服務差。 價錢貴，冇味道。 燉湯成$300 ，冇味道。 招牌辣炒辣蟹$588，油浸一樣，沒有味道，只有過期油溢味，蟹太不新鮮。 老闆話轉左廚師，所以係咁差d，話左個廚師，但錢一樣照收。鮑魚冇味道，訂位時話有8折，但佢話送左鮑魚就冇，除返條數即HKD 70/隻。黃金炸蝦，冇蛋黃，一堆炸米粉薦底，完全唔知佢想點，洒樓炸蝦角仲好味。茄子牛仔粒，完全分唔出邊舊係茄子，邊舊係牛仔粒，啲雪藏牛仔粒又霉又爛。廁所又有人煲煙，污糟邋遢。冇乜服務，仲要收+1 工廠區，停車場要搭車𨋢，又冇免費停車。食食下部冷氣機仲嚴重滴水，阿姐俾個剛剛洗杯的盆過來盛住，咁當然會彈到週圍都係，之後佢就攞條布去墊個盆，但又唔理d水其實已經滴到個客衣物和手袋上面，搞左一陣先叫我地轉桌，但好笑嘅係轉桌要我地自已拎哂d野，我冇攞自已個杯，之後就一直都冇杯用。每位埋單四百幾蚊，搵笨，回家個胃唔舒服，因為啲嘢食太多油。仲要煮返個公仔麵食先夠飽。