酸辣格格 (已結業)

叫外賣無非都係為咗唔想同人逼,同埋希望快啲有嘢食,但係呢一次外賣真係好後悔。 由於我哋真係唔想同人逼亦都唔想等咁耐嘅關係,所以11點幾就嗌外賣,避開咗12點幾lunch hour既高峰期,但點知我哋11:39完成落單程序,而送到嘅時間係12:44,足足一個鐘頭有多,根據google所顯示,酸辣格格嘅位置同我哋嘅距離係200米,而我哋落單嘅時候,店員仲問我地係咪可以即刻送黎,我地話係。等咗40分鐘嘅時候我哋打返去查詢,店員淨係話同事已經出咗去送外賣就收咗我哋線到左1個鐘既時候我地再打去,店員同樣講返一樣嘅說話,我哋叫佢幫我地再follow下,佢就好晦氣咁話會打畀送外賣嘅人睇下點。大概5分鐘之後我哋終於收到外賣,結果收到一個碗索曬水發到好漲嘅薯粉一碗叫咗麻辣但變左蕃茄湯嘅米線仲有加咗$8蚊多一款餸既豬扒,明明有顯示係張單度,亦都有計到$8落去,但豬扒就不翼而飛少咗一份嘅餐具至於其他食物大致正正常常,除咗第一次見識到菜還菜,飯還飯,唔係mix埋一齊既菜飯之外。最後,食完嘅時候,發現豬軟骨菜飯條菜,下面加送一條短短嘅頭髮🤮喺上環叫外賣叫得多,咁差既一間真係第一次。