盈翠軒 (裝修中)

行完街有人提意去中港城平臺的餐廳食野，因為呢度無乜人，一定唔使等位。上到去，揀左食中菜，睇睇餐牌，都係一般中菜餐館有的菜式，但點知同行者原來唔係好like中菜，好多野都唔食，左揀右揀，睇左成半個鐘餐牌先落單，隨意點幾個大路野算了。先開茶（＄10/位），附上滾水是常識吧。點了普洱，茶味還可以。菠蘿咕嚕素蝦球（＄118）醬汁酸酸甜甜調味得不錯，菠蘿下得很多，素蝦雖然只吃到粉團，但個人覺得還是不錯吃的。清蒸班頭腩（＄98）賣相有點差……怎麼上碟一堆亂的樣子食落味道還好，肉質有咬口，只是豉油略咸。醬汁牛肋骨（＄48/位）仲以為每位計會好細碟，原來都有一人一條骨，炆得十分軟腍入味，一咬即帶，脂肪位甚有膠質一，好味盈翠軒可樂碌鵝（＄138/例）招牌野梗系要叫，要了一碟例size，都有四份一邊鵝。甜甜的醬汁很入味，肉也很鮮，但太肥了，皮下的肥膏有點怕怕。點都要叫幾個白飯送下食飽飽有糖水送，是晚係桂圓紅棗雪耳糖水，很甜很甜，但我喜歡上酒樓食飯的好處就係可以吹好耐水，仲有熱茶飲，食飽飽飲番啖熱茶特別舒服。