老上海飯店 (已結業)

叫得老上海,心諗應該有番咁上下,食物質素應該拍得住典型上海鋪,點知食落去發覺完全唔掂.首先係個小籠包,二十四蚊六隻,個皮好厚,啲肉夾雜著太多葱,唯一可取之處,就是肉汁比較多,不過食咁多次小籠包,第一次見到個小籠包皮"痴"住啲黑色嘢.賽螃蟹炒麵非常唔掂,啲麵好粗,炸得唔夠爽,啲麵"痴"牙的,食落去嘅感覺好似啲麵唔熟,非常難食,啲蛋白又炒到一粒粒,固體狀,叫咗呢碟,覺得揾笨,早知要碟上海粗炒算數.最正常算係個雞火湯年糕,一般水準,唔算突出,但起碼食得落口,無投訴.對於我地呢啲食慣傳統上海小館的人,呢啲食物質素完全唔配用"老上海"呢個招牌,梗加唔明白點解會有咁多人幫襯.