影片
更多
2021-03-16
296 瀏覽
呢間阿叔泰麵我一直save系openrice，諗住經過元朗一定要去試吓，系openrice睇過相、食評，以為好好食，點知。。。今日終於去元朗，帶來嘅只係無窮嘅失望！今日我哋一行二人叫左：1. 牛肉船麵 + 泰國鳳爪小食+ 泰國奶茶2. 青咖喱牛肉飯+ 雞丸小食+ 青檸梳打🍲牛肉船麵 肉：牛肉故名思意係牛肉片，不過上菜嘅係三塊牛腩，心想：嘩，有三塊牛腩，都幾抵食喎！？點知一咬入口，舊牛腩得個甜字，無其他香味，而且作為一塊牛腩，炆得唔夠「林」，食起嚟癡牙湯底：正宗泰國船河濃郁嘅湯底係加有豬血，因此個湯顏色會較濁；相反嘅係呢間麵舖嘅船粉湯粉雖然好黑，但清到可以見底！問我係乜味：除左甜味，食唔到其他味⋯⋯ 成個粉嘅精髓在於湯底，個湯唔好食，配料好食都無用😅個粉有咩值得表揚：豬皮幾香口，幾條通菜無渣，肉丸幾香🙂食淨咁多直接叫佢收走👇🏻係有小小浪費，我有問家人舊牛腩好可好拎返屋企喂狗，但家人話費事喎🥲🐤泰國鳳爪小食調味一般，撈得唔夠混！一咬入口就只呷到浸泡鳳爪嘅水味，並非調味料及醬汁嘅香味。有何可取之處：洋蔥夠辣，生菜夠新鮮🧋泰國奶茶杯奶茶一送到，我都好好奇點解杯茶係橙色，一試冇乜茶味、亦冇乜奶味
今日我哋一行二人叫左：
1. 牛肉船麵 + 泰國鳳爪小食+ 泰國奶茶
2. 青咖喱牛肉飯+ 雞丸小食+ 青檸梳打
🍲牛肉船麵
肉：
牛肉故名思意係牛肉片，不過上菜嘅係三塊牛腩，心想：嘩，有三塊牛腩，都幾抵食喎！？點知一咬入口，舊牛腩得個甜字，無其他香味，而且作為一塊牛腩，炆得唔夠「林」，食起嚟癡牙
湯底：
正宗泰國船河濃郁嘅湯底係加有豬血，因此個湯顏色會較濁；相反嘅係呢間麵舖嘅船粉湯粉雖然好黑，但清到可以見底！問我係乜味：除左甜味，食唔到其他味⋯⋯ 成個粉嘅精髓在於湯底，個湯唔好食，配料好食都無用😅
個粉有咩值得表揚：
豬皮幾香口，幾條通菜無渣，肉丸幾香🙂
食淨咁多直接叫佢收走👇🏻係有小小浪費，我有問家人舊牛腩好可好拎返屋企喂狗，但家人話費事喎🥲
🐤泰國鳳爪小食
調味一般，撈得唔夠混！一咬入口就只呷到浸泡鳳爪嘅水味，並非調味料及醬汁嘅香味。
有何可取之處：洋蔥夠辣，生菜夠新鮮
🧋泰國奶茶
杯奶茶一送到，我都好好奇點解杯茶係橙色，一試冇乜茶味、亦冇乜奶味，只有甜味！點餐時問過可唔可以叫少甜，不過係唔可以嘅⋯⋯
有咩做得好：啲冰夠凍
🐮青咖喱牛腩飯
青咖喱牛腩飯嘅牛腩，竟然同我個河粉嘅牛腩係一模一樣！再講下個青咖喱：冇乜青咖喱味，而且非常稀，分量是多是少，大家自己睇吓
🐤 雞丸小食
成餐飯最好食，可以話係呢粒炸雞丸，炸得夠脆，味道最正常！墊底生菜亦好新鮮！
🧊青檸梳打
以為一杯簡簡單單嘅青檸梳打，肯定會做得好飲？
咁就錯啦！呢杯青檸梳打，雖然啲青檸夠新鮮，但係啲梳打水已經冇晒氣！一飲落去就係梳打水走晒氣嘅嗰種澀味！
如果大家好似我咁，慕名幫襯的話，可以再諗諗 🤔️
張貼
