炯記餐室 (美麗閣)

營業中

休息中

今晚同朋友去北角炯記餐室食晚餐，餐廳每個套餐都贈送老火足料中湯，非常抵食。🥢地獄口水雞飯 配熱好立克無辣不歡的我，見到呢個餐，已經決定要嗌。果然冇令我失望，雞肉超嫩滑冇骨，每件雞件都沾滿麻辣醬汁，味道麻辣惹味😍。🥢煙熏燒鵝飯 配凍檸檬茶炯記餐廳採用明爐煙熏燒鵝方法，好特別。一上檯，已經聞到陣陣的鵝香味，鵝件份量多肥瘦適中，入口鵝肉鹹香，鵝皮脆口😋。🥢桶子油雞飯 轉米粉配可樂呢個餐非常抵食，油雞選用雞髀切件，啖啖肉，雞肉好入味，雞皮爽滑，配埋大量薑蔥蓉，食落真係好滿足😆。🥢鵝油生菜 就咁睇呢碟菜好似好平凡咁，食落好驚艷，鵝油非常掛汁，生菜勁清甜，推薦推薦😋！