燒夜食堂 (已結業)

呢間串燒既位置好近地鐘站，但如果多返少少指示會容易d搵到，但呢間串燒真係燒得好出色。呢間主打有串燒同埋麵類。串燒選擇好多，海鮮到肉類到蔬菜都有。麵既湯底選擇有辣有唔辣，有烏冬有拉麵等。亦有各式各樣既冷盤同小食可以揀。我地就叫左大量串燒。最出色既係和式燒茄子，真係好入味，茄子燒得啱啱好，佢用既秘製燒汁又同茄子味道好夾，又大條，係原條燒茄子。另外個燒大啡菇都好重汁，一咬落去d菇汁就燒出來，正，唔怕燒得太燶，真係啱啱好好好食。另外個燒雞肝又係一流，食落唔會太澀太苦，反而食得出好新鮮同處理得好乾淨，口感夠沙又有燒烘既香味，真係值得翻兜。另外個半熟蛋串燒又係勁正，完全做到燒到啱啱好流心個下先勁，調味又夠好，真係一流。重有佢個燒阿根廷紅蝦都係推介之一，夠鮮味，調味調得好好，唔好太腥或者太靭。羊鞍都好食，香草又夾，唔會太酥太靭。而個燒雞脾肉都好足料，雞既質感好好，好夠肉汁。燒菠蘿係連皮上份量極多，真係好特別，未見過咁足料既燒菠蘿。燒三文魚腩有少少次燒鯖魚，但食落完全係三文魚既質感，真係勁香油甘味同鮮味。最後個燒韮菜就真係好入味，調味調得好好，食落唔怕太難咬，真心正。呢間我地應該會再來多幾次