春天

同中學同學食飯，佢話想食扒咪去試下，初頭見裝修都幾靚，諗住應該都冇伏，結果上餐個水杯有明顯嘅塵埃，叫佢換過啲服務員嘅態度係話冇問題，就咁攞走換杯就算，服務態度有待加強。

晚餐叫咗一份羊架，兩份肉眼扒，羊架好香唔錯，整體上評分係高嘅，問題出於兩份肉眼扒，一份七成熟，一份五成熟，七成熟嗰份都還可以，未夠熟但係都有五成左右，五成熟嗰份係得個面係熟，連三成都冇，好難切之餘仲太生，成個口感好難咬。

成個餐係食得飽嘅，塊扒係大件嘅，$128加一要食個粗飽都可以接受，只係建議對牛扒熟成度控制可以再加油，如果上鐵板唔直接煎到個熟度我可以理解，但係上木板/竹板嘅話可以再煎熟啲先上碟

肉眼扒12安士

$128