通常去食車仔麵都係一人叫一碗車仔麵，今晚黎到呢間一喜，見到poster有小米粿好新奇，問老闆娘原來係餃，但係用薯粉做皮，好Q，可以夾埋自家製四寶配黃金湯。老闆娘話馬駮豬肉丸更係由馬駮魚全人手起骨起肉再手打起膠。跟著老闆娘好自豪地介紹幾款特式小食，咖哩三寶，炸韭菜餃，香辣雞中亦，酸齋，炸豬扒，
我以為自己去左菜館，好彩我地3個人黎，就叫少一碗麵，叫晒推介既小食🤪。
小米粿既皮有d似蝦餃皮，好Q好滑而且濕潤，因為係雞湯煮，涵料係豬肉加上少馬駮魚既鮮味，真係好好味，如果吾係想試其他野，我會encore 😋。
1
馬駮豬肉丸，好鮮既魚味，應該落左好多馬駮魚，加上豬肉既油香，好彈牙。
瀨尿牛筋丸咬落去真係有汁流出黎，彈牙有牛味。
魷魚丸係有魷魚粒，爽口彈牙。
炸韭菜餃皮薄，炸得好脆又乾身。
香辣單骨雞亦，單骨好方便食，落左7味粉好惹味。
酸齋酸酸甜甜，無出面既白醋味，吾油膩。
咖哩三寶，咖哩汁好香，送飯應該一流。魷魚牛柏葉煮得剛好，吾會un。魚蛋大大粒，好入味
生炸豬扒好林，炸得剛好，外脆內juicy。
車仔餸推
🥢蘿蔔好甜，無根
🥢豬皮好爽，無穌味
🥢菜肉餃新鮮，即日包
🥢銀針粉好滑，第一次食車仔麵有銀針粉，好落本。
🥢冬菇好入味
未試過食去車仔麵食得咁開心，好似食小菜咁，仲樣樣都咁好食。經營一間車仔麵店咁用心，真係難得。
