La Famille (已結業)

星期五happy Friday,梗係放咗工就去買蛋糕氹自己開心啦。今次就搵一間比較少女情懷啲嘅餐廳。門口餐廳梳化用咗黃綠色，牆身就用左暗金色：優雅而有一種西洋古典味道。餐牌飲品玫瑰泡沫鮮奶，未飲已經有一陣玫瑰香味。上面鋪咗玫瑰花瓣。第一啖就有泡沬，然後就有好濃嘅奶味，而且都幾滑。食物法國玫瑰這個蛋糕都比較大件，上面放左紅桑莓、忌廉：la famille呢個朱古力牌,可可味濃：而且係好滑口嘅朱古力。蛋糕比較濕潤而且口感蓬鬆，質感很軟而且很滑，滑到好似一塊紗布一樣。食完都唔會覺得乾口。紅桑莓有少少酸而且有少少甜，果種酸係令人感到好清新。桂香和梨蛋糕上面鋪左一層梨，梨嘅味道比較清新；而且都比較多汁。蛋糕就比玫瑰嗰個唔同，蛋糕入邊呢就係淡黃色嘅。食落去都係比較濕潤、而且比較柔滑。