澳洲牛奶公司

營業中

休息中

話說放假日晨早流流去咗澳牛食早餐，呢間茶記屹立佐敦多年，確實不簡單！早餐得一款，就係火腿通粉，點了兩份，試齊佢嘅熱咖啡同熱檸檬茶▶️火腿通粉 - 份量足夠，忌廉湯底香濃，通粉配搭火腿絲爽口惹味▶️牛油方包 - 方包有烘底，又香又脆，有別於一般茶記求其放兩塊方包上碟就算▶️煎雙蛋轉了炒蛋 - 份量亦都好夠，食落軟綿嫩滑▶️熱咖啡 - 咖啡味香濃，有少少酸度，都ok 好飲▶️熱檸檬茶 - 朋友話茶底夠濃，檸檬亦沒有一般茶記嘅苦澀味餐後感：早餐整體嚟講有水準，有誠意，價錢大眾化，而早餐只得通粉亦係佢獨特之處，下次一定會再嚟試埋佢嘅熱奶茶