我餃鮮 (已結業)

好好食！！“我餃鮮”開業咗無幾耐，我就已經幫襯咗幾次。以為街市開間水餃店，離不開韮菜/白菜餃，點知除咗傳統款式之外，仲有好多好特別既味！有麻辣芹菜、鮮蝦韮王、瑤柱豬肉....等等唔同款式。啲料好多又新鮮，仲有啲皮好滑，唔似得坊間買冰鮮餃嗰啲咁一滾就爛皮，所以呢間餃子一食堅係啖啖有汁！！首推介瑤柱豬肉，最初以為係瑤柱絲，點知一咬落去，成粒成粒瑤柱做餡，勁鮮點彈牙呀最好既係佢一盒十隻可以自己揀選唔同口味，所以一次過買晒所有味，食晒認真覺得每款餃都好好味～～值得推介畀大家。間直係懶人首選，啱晒我地呢啲全職工作，放工已經攰到死死下既人，買一盒返滾已經大滿足