影片
更多
2018-06-02
96 瀏覽
未到6月中已經熱到出晒汗，但無阻我鍾意食雞煲既心。呢一日就去左食間雞煲私房菜，佢有好多自家創作既雞煲，歡迎大家慢慢簡簡到岩為止。我地當日1730就上到去，可能係由於平日同天氣熱既關係，發覺人數唔係好多，但對於我呢啲中意同朋友傾計既人就最適合不過。我地嗌左個半隻bb辣既辣酒花螺雞煲，一上台見到十分足料，本身只係以為得幾隻花螺，但最後成台都係佢既殼。其實食完個煲之後都飽飽地，但係我地見隔離台既餸咁吸引都忍唔住嗌到成台都係野食！有呢個手打黑墨丸、特級雪花牛肋片、自家製韭菜餃、脆肉鯇腩、雞脾菇同最令我忘記唔到既自家炸魚皮。正常魚皮都係最先上台但反而佢就最後先上台，我都諗有特別原因！佢既魚皮係新鮮炸起，一入口仲有少少暖暖地既感覺。佢無平時係街食到既咁大塊，不過佢既魚皮又鬆脆又易入口，試過之後一定會上癮。另外佢既牛肋片都有好香好濃既肉味，所以中意食牛既朋友，除左雪花❄️肥牛之外都可以試埋佢既午肋片，份量好多值回票價。下次一大班人既時候最岩黎呢到，嗌多啲唔同既野食。可惜今次得2個人，食得唔係好多亦都剩左少少，雖然埋單700幾蚊但勝在食物新鮮又高質，仲有啲令人喜出望外既感覺添
我地嗌左個半隻bb辣既辣酒花螺雞煲，一上台見到十分足料，本身只係以為得幾隻花螺，但最後成台都係佢既殼。
其實食完個煲之後都飽飽地，但係我地見隔離台既餸咁吸引都忍唔住嗌到成台都係野食！有呢個手打黑墨丸、特級雪花牛肋片、自家製韭菜餃、脆肉鯇腩、雞脾菇同最令我忘記唔到既自家炸魚皮。正常魚皮都係最先上台但反而佢就最後先上台，我都諗有特別原因！佢既魚皮係新鮮炸起，一入口仲有少少暖暖地既感覺。佢無平時係街食到既咁大塊，不過佢既魚皮又鬆脆又易入口，試過之後一定會上癮。另外佢既牛肋片都有好香好濃既肉味，所以中意食牛既朋友，除左雪花❄️肥牛之外都可以試埋佢既午肋片，份量好多值回票價。
下次一大班人既時候最岩黎呢到，嗌多啲唔同既野食。可惜今次得2個人，食得唔係好多亦都剩左少少，雖然埋單700幾蚊但勝在食物新鮮又高質，仲有啲令人喜出望外既感覺添
張貼
