影片
更多
2023-04-07
312 瀏覽
有個朋友，佢嘅外母喺美孚住，經常周圍飲茶，不過最鍾意去嘅地方都係大公館。聽過呢個名咁耐，終於都要喺荔枝角探朋友，就提議不如試吓。七八個人飲茶，最好就係可以試到唔同嘅點心。我個人最愛一定係芹香鮮蝦金魚餃，靚到一個點係唔想食。我冇諗過鮮竹卷可以包一啲咁特別嘅嘢食，胡椒豬肚鮮竹卷，絕對係我認知中最特別嘅嘢，胡椒豬肚湯加超大件嘅鮮竹卷，好得。用上十年陳皮做嘅牛肉燒賣，都真係好有誠意燒賣滿佈陳皮嘅香味，每一啖都有濃郁嘅牛肉香。吃到呢個刺蝟脆香叉燒包就想起以前嘅經歷，嗰陣喺某間米芝蓮嘅餐廳全部都係呢啲美輪美奐嘅點心。龍皇脆米腸粉，同行朋友大讚，似乎佢好似好鍾意食呢個類似春風得意腸嘅腸粉，的確做得好好，只不過係咪講到咁厲害，我覺得比平常嘅水平高少少啦。反而我好鍾意招牌黑毛豬叉燒，第一佢唔係超肥，第二肥瘦好適中，個蜜糖甜度我好鍾意。用上薑米酒炒嘅芥蘭好令人開胃，而且好暖好養生。朋友係熱愛炸嘢嘅人，佢話一定要叫超可愛嘅鹹水角同炸蘿蔔絲酥，好得意，又幾好食。勁經典同高貴嘅有金箔懷舊芝麻卷，食落去我覺得比起某間好出名，喺深水埗嘅芝麻糕好得多。總括嚟講，點心幾靚，而且價錢又唔貴，真係好適合一班朋友嚟食，人哋嘅
聽過呢個名咁耐，終於都要喺荔枝角探朋友，就提議不如試吓。
七八個人飲茶，最好就係可以試到唔同嘅點心。
我個人最愛一定係芹香鮮蝦金魚餃，靚到一個點係唔想食。
我冇諗過鮮竹卷可以包一啲咁特別嘅嘢食，胡椒豬肚鮮竹卷，絕對係我認知中最特別嘅嘢，胡椒豬肚湯加超大件嘅鮮竹卷，好得。
用上十年陳皮做嘅牛肉燒賣，都真係好有誠意燒賣滿佈陳皮嘅香味，每一啖都有濃郁嘅牛肉香。
吃到呢個刺蝟脆香叉燒包就想起以前嘅經歷，嗰陣喺某間米芝蓮嘅餐廳全部都係呢啲美輪美奐嘅點心。
龍皇脆米腸粉，同行朋友大讚，似乎佢好似好鍾意食呢個類似春風得意腸嘅腸粉，的確做得好好，只不過係咪講到咁厲害，我覺得比平常嘅水平高少少啦。
反而我好鍾意招牌黑毛豬叉燒，第一佢唔係超肥，第二肥瘦好適中，個蜜糖甜度我好鍾意。
用上薑米酒炒嘅芥蘭好令人開胃，而且好暖好養生。
朋友係熱愛炸嘢嘅人，佢話一定要叫超可愛嘅鹹水角同炸蘿蔔絲酥，好得意，又幾好食。
勁經典同高貴嘅有金箔懷舊芝麻卷，食落去我覺得比起某間好出名，喺深水埗嘅芝麻糕好得多。
總括嚟講，點心幾靚，而且價錢又唔貴，真係好適合一班朋友嚟食，人哋嘅外母咁奄尖都話好，係有啲原因。
張貼
