Artisan Lounge (已結業)

之前試過食Artisan Lounge既野食, 今次就選擇試佢地出名既下午茶打下卡. 餐廳位於MUSEA既中庭，環境寫意。今次我同朋友黎食既下午茶係餐廳早前為秋季出既秋天主題下午茶，價錢為＄７９８兩位。下午茶用佢最有特色既懸浮tea stand上，上兩層係各色各樣既日式甜點，而最底層就係一系列以海鮮入饌既鹹點。我地每次食tea都食左鹹點先，今次都唔例外。鹹點有五款一口大小既點心，當中我最喜歡係佢既魚子醬立方。魚子醬的量很多，整口滿滿海的味道對海鮮迷的我超級享受。其次有一款特色青瓜三文治雖然不是什麼貴價食材，但係佢外觀很特別，似一款糕點，食落輕巧清新。甜品方面我好欣賞佢既半熟宇治抹茶撻。身為抹茶控既我好喜歡佢多層次既抹茶味道，流心狀態更令抹茶味明顯。另外水信玄餅都好特別。玄餅中有花瓣超級靚，同黃糖一齊食唔會太甜又清新。呢次下午茶整體體驗不錯。