海皇粥店 (樂道) (已結業)

今日喺尖沙咀返工，有少少唔舒服冇乜胃口，行過見到海皇粥店，心諗都好呀，清清地食下粥先。入去睇吓Menu，發現好多新鮮嘅配搭同meal set，由於我係好鍾意食魚粥嘅，所以我就叫咗個魚腩粥同埋熱豆漿啦。哇估唔到個魚腩粥有咁多魚腩，啲魚肉好新鮮，唔會腥，姐姐又送咗個即炸翠翠油炸鬼俾我攞嚟送粥，成件事好完美，覺得個粥好麵好容易入口，啱晒冇乜食慾嘅我。食完個粥之後飲埋個熱豆漿，啲豆漿豆味濃郁，又唔會話好甜，真係夠晒健康食完個粥之後個人覺得舒服左好多好開心公司附近有間粥店，下次一定會再嚟！