大頭蝦
大頭蝦真係佢哋嘅王牌。每隻都係厚肉、鮮甜、夠爽口，落海膽海鮮湯底煮30秒就啱啱好。蝦味濃郁得嚟又冇雪味，仲要隻隻有膏，食到停唔到，放題嚟講水準出奇地高。
牛小排
牛小排油花分佈靚，涮幾秒就入口融開，脂香喺口腔散開，配野菌鍋更加突出牛味。
海鮮
海鮮入面主力食左沙白，鮑魚同蝦膠。沙白大隻、冇沙冇腥，丟落海膽鍋煮開，貝味好突出，仲帶少少海水鮮甜味。鮑魚細細隻但質素唔差，彈牙唔腥，煮耐少少都唔會變鞋。啱晒鍾意食口感嘅人。蝦膠係用真蝦肉打嘅，唔係啲假膠口感。落鍋之後好彈，蝦味幾明顯，夠誠意。
海膽海鮮鍋 & 養生野菌鍋
海膽海鮮鍋湯底本身帶少少鮮甜，煮海鮮特別啱，越煮越香。
養生野菌鍋味道清爽，用嚟碌牛小排、蔬菜最啱，唔會掩蓋食材本身味道。
1
Häagen-Dazs
火鍋食到熱辣辣，最後嚟返杯 Häagen-Dazs 真係完美 ending。幾款味輪住食，順便refresh一下個味覺。
