ADD+ (已結業)

今日同媽咪去咗西九文化區，行咗一輪都搵唔到啱食嘅餐廳，跟住經過M+醒起有一間新開嘅餐廳喺地下個層，一於走去試吓呢間餐廳嘅Menu好特別，絕大部份都係好有香港特色嘅餐點，連雞蛋仔都有，但同時又會有啲西式嘅餐點，好似Pizza同埋意粉咁樣。餐廳範圍對住西九文化區，望出去真係好舒服，夜晚黎應該更有feel🤩 因為唔係好肚餓，所以我哋就帶咗一個Pizza黎share，本身都諗住呢間餐廳唔係專賣pizza，應該都係普普通通咁，但出到嚟都唔錯喎，勁多芝士～批底唔會太厚亦唔會太薄，岩岩好👍🏻 配咗個梳打特飲，享受左一個悠閑下午茶💕