龍門大酒樓 (已結業)

經過龍門旁邊燒味部，見到啲叉燒好靚。我唔係大幫襯，只想買10文拎住嚟食，幸好店入邊啲大哥大姐唔介意。啲叉燒好靚，半肥瘦，熱辣辣，咬落去重會有啲油‘bi’出嚟，甘香甜美，感覺係百分百滿足！返到公司，飲咗杯熱普洱解解膩。雖然有人會覺得咁樣食法唔健康，但食物其中一個作用係用嚟安慰人，久唔久一次，真係唔好太執著。上天要你走，唔係多一舊定少一舊肥豬肉話到事。面對美食，就開懷~~ 食罷！