C Square Cafe

再貪心嘅人都必定可以係 C Square Cafe 搵齊哂你想要嘅蛋糕味道！

話說本人有選擇困難症，望住佢款款唔同造型同味道嘅蛋糕，真係好難揀，所以只有4個人但訂咗6件蛋糕。點知今日攞嘅時候，老闆話因為薑汁撞奶嘅造型轉咗牛奶鳥結糖味，所以就送多咗個俾我~~

啲蛋糕除咗樣靚之外仲好好味。特別推介：豬仔樣嘅紫蘇紅桑子，超可愛之餘亦酸酸哋好清新；灰紫色雞蛋樣嘅芝麻慕絲味道濃郁，底部仲有朱古力脆脆；有 Melty Kiss 造型嘅焦糖咖啡，好似食緊好香咖啡味雪糕，加埋甜甜嘅焦糖醬，真係冇得輸！