Thai Deer Factory (The Wave)

營業中

休息中

呢間以露營做主題既泰菜餐廳幾特別，環境好開揚且闊落，有唔少打卡位添，有3枱帳篷位有低銷$600起，菜式價錢都合宜。.🥣椰子雞湯🥣：💰$58可以一人份量咁叫幾好😆湯呈奶白色，餡有雞肉條、菇菌同香葉豆角，清甜椰子味幾出，冇味精感，有少少香葉味唔會太重，幾滋補。🥣香煎三文魚配黃薑椰菜花飯🥣：💰$178兩塊煎三文魚，煎到唔會太老，椰菜花飯黃薑味岩岩好，唔太濃烈，大小不一增加口感，加埋檸檬汁，整體十分健康！🥣泰式炒雜菜🥣：💰$88可以走辣，好香炸蒜味，雜菜有西蘭花、椰菜、紅蘿蔔、原條粟米件同粟米仔，所有菜炒到好爽身，唔會念，味道適中唔會太咸，泰式菜黎講，呢間餐廳味道幾適合港人。🥣泰式串燒（2串起叫）🥣：燒雞肉💰 $26雞肉幾嫩口，配埋沙爹醬，幾香花生味，唔會油膩。鮮鮑魚💰 $32建議配青辣汁，帶出鮑魚鮮味，細細隻鮑魚質感好煙韌爽口。🥤斑斕泰式奶茶🥤：💰$42淺青綠色，有淡淡斑斕味同泰奶綠茶味，幾特別，少甜都ok。