霜瀛 (已搬遷) 新店位置

網上好多人都介紹呢間“霜瀛”，今次我就嚟實測下到底有幾高質啦👍🖊️環境環境方面其實都好闊落寧靜，裝修舒適，佢仲有個酒櫃放滿日本sake，成個氣氛立刻高級曬。🌟重點推介🌟🖊️八爪魚刺身八爪魚本身畀我嘅感覺係淡而無味，但原來新鮮嘅真係唔同啲，真係會有好新鮮嘅鮮甜味道，同埋好煙煙靭靭，吸盤亦好脆。而呢度再加埋柚子皮同竹炭鹽，令到鮮味有一層清新嘅酸味同清新嘅鹹味，帶出個層次。🖊️中拖羅壽司清森大間出產。食落去軟綿綿得黎有實在感，充滿鮮味之餘有魚脂香，餘韻久久不散。上面魚子醬更加入口有彈性，質地細膩，充滿海鮮味，鹹鹹地又有回甘。🖊️牡丹蝦壽司牡丹蝦晶瑩剔透，夠大隻。上面橙色嘅配料非常特別，佢係牡丹蝦頭嘅蝦膏同埋埋櫻花蝦乾。即係話成舊蝦連埋配料都係蝦嚟嘅。而蝦膏嘅鹹味再加上蝦乾炒過嘅香味，配合埋牡丹蝦係非常夾。霜瀛Omakase“霜” $1580/位