山頭火 (iSQUARE國際廣場) (iSQUARE國際廣場)

營業中

休息中

iSQUARE 真係一個睇戲嘅好地方！！！睇完已經9點幾，但仲可以人少少，靜靚咁搵到野食。雖然黑夜半價嘅monster sushi 已經執左，茶木又唔接客，但仲有未食過嘅山頭火，一試又幾滿意。我覺得最抵讚係佢所有拉麵都有大中細選擇，可謂豐儉由人，又唔洗浪費，特別係叫定食已經會跟多碗飯，真係唔係個個食到大碗麵。四種湯底選擇，我同寶寶都叫左辣，但其實就咁一飲湯已經知唔辣，不過配埋麵，又幾夾，我鍾意佢麵軟硬適中，係最啱我口味果種，叉燒難得地夠晒淋，輕鬆咬到。炸豬扒熱辣辣，好脆。碗飯仲係用日本產珍珠米添，不過我覺得有d 淋。3 個人$270 埋單，飽飽。