43
2
0
等級4
190
7
西環區不嬲都有好多西餐或者意大利菜嘅小店,咁啱有朋友住喺附近,所以成日搵嘢食,今次介紹嘅呢一間小店,基本上係零負評,個個都好推介佢哋嘅漢堡同埋意粉。好漢係一間喺西環主打意粉同埋漢堡嘅西餐小店,餐廳喺上年五月開業,由兩位年青專業廚師開設,聽講係米芝蓮餐廳出身。餐廳會按時令食材,有唔同嘅食物同埋醬汁配搭,好似有自家製香茅味蛋黃醬、蘋果、山楂、青瓜算。除咗佢哋配搭嘅醬汁比較特別,佢哋嘅漢堡都係用竹炭麵包,而且入邊加上薯仔製作,誠意十足,所以每日限量賣40個漢堡。餐廳近香港大學站,行大概幾分鐘就到,門面係墨綠色。餐廳唔大一眼望晒,大概得五張兩人高枱高櫈,餐廳以綠色配水泥風做主調,店員提醒可以將啲袋掛喺牆上既勾,紙巾同水都係自助。店員介紹嘢食都好用心,見我第一次嚟所以介紹唔同嘢食,仲有一塊黑板有其他小食同埋飲品。菜式主要有意粉、漢堡包、小食、同埋有Daily Special 。-1️⃣ Cheesy Jalapeno Fritter 💰58/3(👅: 8/10)呢個係一個好送菜嘅小食,會喺一啲酒吧度見到,係一個炸咗嘅紅椒加芝士,咬落去外層炸得夠脆,比起青椒,紅椒食落去冇咁辣,而且入邊嘅芝士份量唔少,
更多
西環區不嬲都有好多西餐或者意大利菜嘅小店,咁啱有朋友住喺附近,所以成日搵嘢食,今次介紹嘅呢一間小店,基本上係零負評,個個都好推介佢哋嘅漢堡同埋意粉。
1 瀏覽
1 讚好
0 留言
好漢係一間喺西環主打意粉同埋漢堡嘅西餐小店,餐廳喺上年五月開業,由兩位年青專業廚師開設,聽講係米芝蓮餐廳出身。餐廳會按時令食材,有唔同嘅食物同埋醬汁配搭,好似有自家製香茅味蛋黃醬、蘋果、山楂、青瓜算。除咗佢哋配搭嘅醬汁比較特別,佢哋嘅漢堡都係用竹炭麵包,而且入邊加上薯仔製作,誠意十足,所以每日限量賣40個漢堡。
0 瀏覽
1 讚好
0 留言
3 瀏覽
1 讚好
0 留言
0 瀏覽
1 讚好
0 留言
1 瀏覽
1 讚好
0 留言
1 瀏覽
1 讚好
0 留言

餐廳近香港大學站,行大概幾分鐘就到,門面係墨綠色。

餐廳唔大一眼望晒,大概得五張兩人高枱高櫈,餐廳以綠色配水泥風做主調,店員提醒可以將啲袋掛喺牆上既勾,紙巾同水都係自助。
5 瀏覽
1 讚好
0 留言
8 瀏覽
1 讚好
0 留言
6 瀏覽
1 讚好
0 留言
5 瀏覽
1 讚好
0 留言
4 瀏覽
1 讚好
0 留言
10 瀏覽
1 讚好
0 留言
店員介紹嘢食都好用心,見我第一次嚟所以介紹唔同嘢食,
4 瀏覽
1 讚好
0 留言

仲有一塊黑板有其他小食同埋飲品。
菜式主要有意粉、漢堡包、小食、同埋有Daily Special 。


-
1️⃣ Cheesy Jalapeno Fritter 💰58/3(👅: 8/10)
Cheesy Jalapeno Fritter
$58
0 瀏覽
1 讚好
0 留言
呢個係一個好送菜嘅小食,會喺一啲酒吧度見到,係一個炸咗嘅紅椒加芝士,咬落去外層炸得夠脆,比起青椒,紅椒食落去冇咁辣,而且入邊嘅芝士份量唔少,食落去係酸酸地,帶少少辣,係幾開胃嘅小食,隔離仲有有蕃茄粒同埋洋蔥粒嘅橄欖油。
-
2️⃣ 多汁牛堡 💰106(👅: 8.5/10)
多汁牛堡
$106
0 瀏覽
1 讚好
0 留言
呢度嘅漢堡都係用黑色嘅竹炭麵包取代一般嘅牛油麵包,麵包加入咗薯仔製造,咬落去首先夠脆身,因為麵包有烘過,麵包咬落去係鬆軟,食落去係甜甜地,店主解釋係因為加咗薯仔,而且會令到個包唔會好似平時嗰啲咁濕,比較乾身,乾身嘅麵包加上呢種甜味,幾有驚喜,因為我好鍾意乾身嘅漢堡包,市面好多漢堡包因為太多醬汁或者加咗蕃茄,所以太過濕。
多汁牛堡
$106
1 瀏覽
1 讚好
0 留言
至於入邊嘅牛聽聞用上意大利牛肉,咬落去唔韌無筋,都算有肉汁,不過食落去牛肉味就唔算好重,唔知係因為得一塊,定係因為比醬汁蓋過咗,可能下次要試吓加雙層牛肉先知道,不過睇其他人嘅食評,大家對炸雞同埋魚柳包嘅評價會高啲,不過嗰刻想食牛係因為平時漢堡都會食牛肉漢堡想比較下。

醬汁方面有得揀香茅同埋BBQ,我就揀咗前者,因為覺得後者味道會好重,一定會蓋過牛肉味,醬汁份量唔算好多,啱啱好唔會整濕個包,香茅味醬汁其實味道唔會太重,反而食落去係有少少辣味,有啲似越式香料醃製豬扒嘅味道,令到個包味道層次多一啲,幾開胃。

除咗牛肉入邊仲有煙肉、芝士、酸青瓜、洋蔥、仲有一隻叫苦苣嘅蔬菜,煙肉帶小小脆,整體食落去完全唔覺得膩,反而入邊嘅醬汁令到佢更加開胃。麵包睇落去好似唔算大個,不過食落去都幾飽肚,可能我唔算大食,或者因為有叫到芝士通粉。

隔離仲有個番薯薯條,比較幼身,咬落去都算脆身,食落去我覺得某一啲夠甜,某一啲唔夠甜,可能係用咗兩個唔同嘅番薯。
-
3️⃣ 芝士青蔥粗管通粉 💰106 (👅: 8.25/10)
煙肉+💰16
芝士青蔥粗管通粉
$106
1 瀏覽
1 讚好
0 留言
之後係人氣之選嘅芝士通粉,入邊用咗水牛芝士、車打芝士、巴馬臣芝士三重芝士,通粉非常掛汁,夠大粒,咬落去都算煙煙韌韌,因為炙燒過,有少少煙燻香味,食落去芝士質地算小小濃稠,夠creamy,應該加咗忌廉,所以唔係拉絲嗰種,食落去芝士鹹香味突出,同時因為加咗檸檬汁,令到食落去係有少少酸味,所以比起一般嘅芝士冇咁膩,係非常聰明嘅做法。加入咗煙肉,令到口感更加脆脆地,食落更加香口惹味,不過成個芝士通粉食落去都幾飽滯,建議都係同朋友share。
-
4️⃣ 自家製焦糖脆面芝士蛋糕 💰58(👅: 8/10)
自家製焦糖脆面芝士蛋糕
$58
0 瀏覽
1 讚好
0 留言
佢哋得一款甜品,就係呢一個焦糖面嘅芝士蛋糕,上面嘅焦糖脆面,咬落去都幾脆,食落有焦香,唔會太苦,蛋糕嘅質地唔係好流心個種,似new york cheesecake,係比較綿密,至於餅底係消化餅,不過就唔算好鬆化好脆個種。

食落去有少少芝士味道,唔算好濃,蛋糕都唔會太甜,餅底食落去有少少牛油香,味道主要係食到焦糖味多過芝士味。店主個方向係唔想整好滯嘅芝士蛋糕,因為食完漢堡包同埋芝士意粉,應該係要有一啲比較清新嘅甜品,所以喺上面加上沙糖桔醬,而且有小小桔皮保留小小苦味,而且係芝士蛋糕上撒上一啲檸檬皮,雖然檸檬皮唔算多,不過作用好大,食落去有少少嘅檸檬香,完全可以中和芝士蛋糕嘅膩,如果你唔鍾意食芝士味好濃或者好膩嘅芝士蛋糕,呢一款好啱你。
-
🍸 Osmanthus Mojito 💰38(👅: 8/10)
Pine Gin Tonic
$68
0 瀏覽
1 讚好
0 留言
呢個係桂花既Mojito,係冇酒精嘅飲品,飲落去薄荷嘅味道比較突出,飲到後期先會有少少桂花香味。
-
🍸 Pine Gin Tonic 💰68(👅: 8.5/10)
呢個係特別版嘅gin,係用聖誕樹釀製既gin tonic,飲落去聖誕樹嘅香味同gin配合得好好,冇一般gin咁難入口,反而係好清新,係幾高質嘅 gin tonic。
-
🌟 整體我覺得呢度嘅漢堡包幾高質,店主好有想法,將竹炭麵包加入薯仔,令到佢乾身之餘食落有甜味,同我最鍾意嘅香港漢堡包honbo一樣好有想法,都係諗方法令到個包唔會好似出邊嗰啲咁濕,比起牛肉,下次可能會想試吓魚柳包或者炸雞包,可能更加有驚喜。至於芝士意粉食落去比起想像中無咁膩,店主加入檸檬汁呢個想法又係好細心,絕對係迎合香港人嘅口味,因為如果係外國人嘅話,應該會加上好多sour cream令到佢更加重口味。飲品方面呢度嘅gin幾高質,至於芝士蛋糕我比較鍾意流心質地同埋芝士味都突出嘅芝士蛋糕。

價錢方面,呢個質素我覺得都算合理,因為出邊要食好食嘅漢堡包,$100係走唔甩,好似honbo個啲要百幾蚊,加埋薯條可能$200,而我另一間愛店cool cousins對比下係比較抵食,因為$100就有埋套餐,同埋要挑剔嘅可能係環境,地方唔算大,而且係高台高櫈,好易滿座。不過呢一間餐廳嘅用心、加上店主嘅熱誠同埋講解,係一間值得我回訪嘅良心餐廳。
-
👅味道: 8.5/10
🍴環境: 7/10
💰消費: $150-250pp (服務費: NA)
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2022-11-05
用餐途徑
堂食
人均消費
$200 (午餐)
推介美食
Cheesy Jalapeno Fritter
$ 58
多汁牛堡
$ 106
多汁牛堡
$ 106
芝士青蔥粗管通粉
$ 106
自家製焦糖脆面芝士蛋糕
$ 58
Pine Gin Tonic
$ 68
  • Pine GIn Tonic