甜品工房 (已結業)

第一次食到咁難食既甜品! 同朋友食完飯, 見到呢間甜品工房既甜品賣相好似幾好就入去試下, 分別叫左宇治金時、芒之仲夏同乳酪芭菲。第一個上既宇治金時還可以, 起碼紅豆係甜的, 整體同其他店舖食到既差唔多。之後上既芭菲乳酪好酸又唔滑, 好似乳酪粉開完雪硬咁, 其他配料太普通, 所以唔記得食左邊一款。最後既芒之仲夏可以講係難食, 面有幾粒朱古力小粒, 又苦又唔夾芒果味, 底既楊枝甘露唔凍, 西柚勁苦! 所謂既蒟蒻又唔似蒟蒻, 仲要一粒柚子果凍都冇! 可能我食既透明物體係柚子果凍, 咁佢就一定係唔記得放三色蒟蒻 可接受既只係芒果同芒果雪糕比較正常...四、五十元換來咁難食既甜品實在太令人失望! 見到其他食客係甜品上檯既時候係好開心 (因為睇樣都幾靚), 但食落就冇哂表情 所以應該唔係我同朋友既口味問題!我真係未食過咁難食既甜品, 唔平仲要貨不對辦, 所以我決定將我第一篇食評送俾呢間甜品工房! 貼錢我都唔會再試!