呢盒章魚燒真係離晒譜！一睇就知擺咗好耐冇人買，啲皮硬過石頭咁，我用竹籤吉落去都要出盡力先吉得入
最離譜係入面啲餡！撩開一睇，啲章魚細到好似蟻咁，要搵極先見到兩條短短哋嘅章魚腳，仲要乾爭爭，咬落去完全冇口感。我以為只係咁啱一粒係咁，點知連續試咗幾粒，粒粒都係咁樣入面空寥寥，章魚少到可憐
啲章魚燒唔單止唔熱，直情係凍冰冰，似係擺咗成個下晝冇人理。成件事乾爭爭、硬掘掘，難食到爆！
今次真係中伏中到應一應，以後都唔會再幫襯！大家如果見到呢間舖頭，真係要諗清楚先好買，費事嘥錢又激氣！
以上食評乃用戶個人意見 , 並不代表OpenRice之觀點。
1
用餐途徑
堂食
