嵐石 - 海鮮&牛扒餐廳 (已結業)

第一次因為 bad dining experience 而要開 a/c 寫負評。初秋週五的午飯時間到此用膳, 兩個午餐埋單成六百大元, 就算食風景都絕對唔值回票價。嘢食唔得當我倒霉, 但服務亦差, 啲侍應一點也不專業。食完個前菜, 足足等咗四十分鐘先上主菜。我重未試過食一間貴價餐廳可以咁難食, 大煞風景, 仲衰過茶餐廳。西蘭花是石頭意粉是橡筋豬扒是石膏草菇是蝦乾餐湯似中藥奶茶似冰水甜品似粉皮真係難食到嘔呀! 都唔明解嘅, 連一杯奶茶都可以咁難飲, 水多過茶味, 桌上沒有砂糖提供, 食到呢一刻已經沮喪到廢事叫侍應攞。 食物質素唔掂當自己唔好彩, 但侍應又唔醒, 未食完就不停收碟, 主菜已等了四十分鐘, 甜品又要等, 六百元一餐垃圾連打包甜品都要加收我一蚊外賣盒錢, 仲要無俾餐具。我俾咗六百元食到一肚氣, 中晒伏。Blacklist, 永不錄用。