影片
更多
2021-05-31
124 瀏覽
旺角呢間omakase好抵食😱見到條影片睇到好吸引，即刻打去book，不過午市full得好勁。今次食佢嘅晚市廚師發辦先！我星期一食，都全場爆滿，非常期待今餐🤤豐$980有前菜、茶碗蒸、特選刺身4種、日本直送生蠔、一品料理、壽司6件、海膽鵝肝脆脆、湯同甜品。我同朋友2個都飽住出餐廳！最平嘅晚市set都超級豐富👍🏻👍🏻今日刺身4款有間八、活北寄貝、鰹魚、拖，師傅會建議我地跟住呢個順序去食，由淡味至濃味👏🏻最印象深刻嘅係活北寄貝同中拖，活北寄貝鮮甜爽身，又夠大隻。拖羅更加唔洗講，一入口滿口油脂慢慢化開，我鍾意加埋少少山葵一齊食，口感層次分明。今日日本直送嘅生蠔係岩手縣赤崎蠔，蠔身飽滿，赤崎蠔超巨型，朋友話食完隻蠔都有少少濟🤣因為真係好大隻，蠔味濃郁之餘入口creamy!!一品料理-天婦羅甘鯛天婦羅層粉好薄身，一啲油膩感都冇！甘鯛內裡熱辣辣，肉滑多汁，完全唔會炸到老晒，好欣賞師傅嘅手勢。壽司6件：甘海老 肉質飽滿鮮甜.鱈魚：好香魚油味.O toro：油脂爆滿☺️☺️食落滿滿幸福感鮫蝶魚：呢款魚比較少食，但帶到比我意想不到嘅驚喜，見佢係白身魚，本以為會淡味一點，但一食落口，油香味爆發，腍身.特別之處
豐$980
有前菜、茶碗蒸、特選刺身4種、日本直送生蠔、一品料理、壽司6件、海膽鵝肝脆脆、湯同甜品。我同朋友2個都飽住出餐廳！最平嘅晚市set都超級豐富👍🏻👍🏻
今日刺身4款有間八、活北寄貝、鰹魚、拖，師傅會建議我地跟住呢個順序去食，由淡味至濃味👏🏻最印象深刻嘅係活北寄貝同中拖，活北寄貝鮮甜爽身，又夠大隻。拖羅更加唔洗講，一入口滿口油脂慢慢化開，我鍾意加埋少少山葵一齊食，口感層次分明。
今日日本直送嘅生蠔係岩手縣赤崎蠔，蠔身飽滿，赤崎蠔超巨型，朋友話食完隻蠔都有少少濟🤣因為真係好大隻，蠔味濃郁之餘入口creamy!!
一品料理-天婦羅甘鯛
天婦羅層粉好薄身，一啲油膩感都冇！甘鯛內裡熱辣辣，肉滑多汁，完全唔會炸到老晒，好欣賞師傅嘅手勢。
壽司6件：
甘海老 肉質飽滿鮮甜
.
鱈魚：好香魚油味
.
O toro：油脂爆滿☺️☺️食落滿滿幸福感
鮫蝶魚：呢款魚比較少食，但帶到比我意想不到嘅驚喜，見佢係白身魚，本以為會淡味一點，但一食落口，油香味爆發，腍身
.
特別之處之一，壽司6件中，係包含左拖羅三食，非常有心思！
.
吞拿魚面頰：就算喺其他onakase都比較少見到，燒一燒表面令油脂釋放，面頰較有彈性，食起黎油脂感充足之餘帶爽口。
.
吞拿魚腦天：吞拿魚頭頂的肉，非常罕有，筋少脂肪多🤤魚味極濃
平時都大食嘅我，食到呢度都估唔到有八成飽，千其唔好睇小成餐嘅份量🙈
除左拖羅三食非常有驚喜外，呢度海膽鵝肝脆脆都真係不！得！了！脆片上放上了海膽，同一大塊鵝肝慕絲，食落嘅口感係雪糕咁，冰凍軟滑，隨之而黎嘅就係海膽嘅鮮甜同脆片酥脆嘅口感。
最後仲有大蜆清湯、黑松露茶碗蒸同藍梅芝士雪糕🤣🤣食極都仲有，成餐飯歷時接近3小時，一邊欣賞師傅手藝，一邊品嘗如此多且高質嘅食物，非常享受的一晚。餐廳嘅菜單設定，比我嘅感覺係迎合大眾港人嘅口味，例如著重拖羅、海膽，係幾啱我口味嘅一間omakase!!
張貼
