更多
2018-03-30
2987 瀏覽
由於大表姐一家返嚟香港逗留唔係好多日,所以他們差唔多每日都畀其他親戚或朋友約咗,但今晚就可以抽到啲時間嚟同我們一齊去旺角655號胡社生行嘅「御滿屋日本料理」食晚市放題!一開始我們當然係叫咗個雜錦刺身拼盤,全部都好新鮮同切得都幾厚身,當中我們最欣賞嘅係象拔蚌,因味道真係超鮮甜爽脆,而且真係跟足我們要求嘅數量嚟出,呢點係值得一讚!至於壽司方面,就有多款特意創作壽司,賣相相當精緻吸引!但其中有海膽舖面嗰啲嘅賣相就差啲!日式煮鮑魚嘅味道相當入味,質感好軟滑彈牙!燜花膠燜得好腍好入味,雖然唔算係好黏,但都幾煙韌!除咗基本入單叫嘅食物之外,仲有喺一入門口嘅位置設有嘅自助區域食物,分別有:冷盤、熱葷、甜品、飲品、雪糕等等等等⋯⋯木瓜燉鮮奶嘅味道好香甜清新,而且感覺好似好滋潤,但供應嘅數量唔算好多,所以要得閒就行出去睇吓,先可以攞到一個或兩個!而最令我們覺得驚喜嘅係竟然會有爆谷同糖花糖,令到兩個表姨甥都超級開心,因糖花糖係可以自己整,真係又好食又好玩!
張貼