616牛肉火鍋專門店 (三陂坊) (已搬遷) 新店位置

好耐冇試過同大女兩個撐枱腳，佢話想食牛，所以搵咗616牛肉火鍋專門店。店內裝修好有特色，全部都以懷舊為主題，好似有邊牆以牛肉檔口做牆畫，有一邊就掛晒啲懷舊嘅暖水壺，側邊就擺放啲懷舊零食，好有兒時回憶。至於落單就變回現代化用平板嚟落單，有好大嘅對比。牛肉專門店當然要試吓啲未試過嘅牛啦，今晚叫咗牛骨清湯底，澳洲和牛-牛頸脊，炸魚皮，牛朴肉，稻庭烏冬，粟米，金菇，油麥菜，鹽燒活海蝦(4隻)，當然仲有冰凍嘅可樂啦。先講牛骨湯底，飲咗碗湯底嘅湯，好有牛味絕對唔係味精味道，炸魚皮好爽口，粟米、金菇、油麥菜都好新鮮，用到稻庭烏冬當然冇甩拖，鹽燒活海蝦係唯一熟食，蝦好新鮮燒得啱啱好，戲玉當然係澳洲和牛-牛頸脊同牛朴肉，牛頸脊入口有溶化嘅感覺，絕對唔韌，至於牛朴肉係第一次食，好特別，好有牛味而且又係唔會韌，相當有水準。調味醬料都有好多選擇，阿女好鍾意。服務態度亦唔錯，埋單都係$380，價錢我覺得相當合理，仲有好多特別嘅牛件未試過，下次約埋一大班朋友落嚟再試過。店外裝修平板落單懷舊零食作裝修店內裝修牛朴肉澳洲和牛-牛頸脊好靚嘅油麥菜全部食物牛朴肉澳洲和牛-牛頸脊鹽燒活海蝦仲有自家出嘅濕紙巾、牙籤