Wingman (已結業)

提起雞翼一定會諗起Wingman ，知道佢喺旺角有分店，趁放工就約埋朋友齊齊去食雞。Wingman除咗出名有各種唔同口味嘅雞翼外，不得不提就係佢地嘅Free Flow Wings，即雞翼放題。我地叫咗松露醬薯條同3 Flavours雞翼放題: Thai sweet 泰式甜辣醬，Cajun 紐奧良香粉，Hoisin 黑芝麻海鮮蜂蜜。雞翼本身夠厚肉，保留到肉汁而且肉質滑嫩，紐奧良香粉係偏香辣味嘅雞翼，而我個人口味偏甜，所以幾鍾意食泰式甜辣醬同黑芝麻海鮮蜂蜜味，黑芝麻海鮮蜂蜜味配埋蔥絲，味道有D似北京填鴨。薯條配可樂係冇得輸嘅組合，松露醬薯條熱辣辣炸到卜卜脆，好味而且份量亦好足。依加優惠期間 6/6 -13/6 New “Crunch Time” Product有Buy 1 get 1 free burger，漢堡飽買一送一，非常抵食！