壹壹漁一 (已結業)

想不到現在酒店內除了中菜、日式餐廳外，仲有意想不到的火鍋店。今日就來到帝盛酒店內壹壹漁一，店名都幾有創意，唔知上菜款式會不會同樣有創意。我地4人就叫左個4人餐，有主打湯底、秘製湯底、特選拼盤、田園菜籃、稻庭烏冬、自家美食一款、手打丸類兩款、時令海鮮拼盤五款、甜品和飲品。咁多嘢食都係$1588。我最喜歡呢個清酒糯米燉鮮雞煲，好香糯米酒飲落仲甜甜地，雞件份量都幾多，每件雞肉都有香濃酒味，肉質鮮嫩，都幾滑。同一般雞酒味道係唔同。另外個海鮮拼盤夠份量，淨係隻龍蝦，鮑魚都吸睛不少。第一次用龍蝦放在火鍋湯低煮熟，味道果然不同，特別鮮甜爽口又帶點糯米酒嘅味道。另外大蝦都不錯，肉質鮮甜爽口。但在公眾場合食蝦都係有個問題，就係怕脫蝦殼。如果可以的話在蝦低部界一界，唔知會不會容易脫殻呢？鮑魚都夠大隻，好煙靭彈牙。