麗島小廚 (已結業)

呢間雞煲份量好足，最鍾意佢D雞夠新鮮，唔會因為雞煲D味濃就比D唔新鮮嘅雞你。碟雞同個湯底分開上，水滾先至喺你面前幫你倒落個湯底度，睇到D雞件件都好靚仔。雞湯滾起好係好好味，飲夠雞湯食夠雞之後就開始叫其他火鍋配料打邊爐。碟安革斯牛肉質素唔錯，D脂肪分佈都算靚。韭菜餃可以話係必食，因為D餡料都幾新鮮，所以食落特別美味。叫咗鯪魚滑同蝦滑，放落湯淥一陣就食得，咬落去好有彈性。最後叫多個烏冬同一份菜，完成滿足的一餐。佢呢度有隻啤酒幾好飲，德國麥啤，麥味真係香好多。