源記海鮮小廚 (已結業)

襯天氣未熱得晒，拿拿聲去食個雞煲先。經過門口見到呢間有個f字頭(唔係粗口)嘅為食網站推薦，好！就試下啦！一行四丁友，好彩早到唔洗等第一次去嘅餐廳要試下招牌菜是常識吧，除左雞煲，仲嗌左鹵水鵝肝+鵝片同雪裡紅爆芥蘭片。先食鹵水鵝肝+鵝片，鹵水絕對係打冷必食，鵝片嫩滑唔過份油膩。個鵝肝幾厚切，但厚得黎又唔會影響口感，入口即溶，加埋香濃嘅鹵水汁，真係......如果最尾未飽得晒，真係要encore呢味菜先得！TqT然後就係重頭戲－－麻辣雞煲本身等緊個陣，隔離枱嘅人已經食緊，啲香味不斷飄過黎，我啲口水都差啲滴落黎！q口q麻辣真係太美好了！！啲雞肉非常入味。另外，之前食過嘅雞煲，啲雞嘅肉質都偏老O|--<但呢間雞煲嘅肉質比較嫩滑，生熟程度係岩岩好。食到最尾，仲要霸快夾最後食返個菜平衡下，呢個雪裡紅爆芥蘭片，其實係雪菜鋪面芥蘭片墊底。佢個味道同出面食開嘅炒芥蘭片唔同，非常惹味，咬落香脆。加埋雪菜一齊食，個味道出乎意料之外咁夾。下次再黎一定要再食！！TvT好滿足嘅一餐。